Ижтимоий тармоқларда ИИБ ходимларидан қочаётган тиланчи аёллардан бирини Spark уриб юборгани акс этган видео тарқалди. Самарқанд вилояти ИИБ ахборот хизмати ушбу ҳодиса юзасидан маълумот берди.
Маълум қилинишича, 2021 йилнинг 29 июнь куни Самарқанд шаҳри бўйича ИИО ФМБ 5-сон ИИБ ходимлари Самарқанд шаҳрининг Беруний кўчасида тиланчилик қилиб юрган шахсларни ички ишлар бўлимига олиб боришмоқчи бўлган.
Бироқ ушбу шахслар ходимлардан қочмоқчи бўлиб, йўлнинг белгиланмаган қисмидан югуриб ўтаётган вақтида, шу йўлда ҳаракатланиб келаётган Spark ҳайдовчиси улардан бирини туртиб юборган.
Ҳодиса юзасидан терговга қадар текширув ишлари олиб борилмоқда.
Бундан аввал Қашқадарёда Nexia-3 уриб юбориши оқибатида велосипед минган бобо ва набира вафот этгани, Янгийўлда йўлнинг қатнов қисмига ётиб олган пиёдани босиб кетиб, воқеа жойидан яширинган Nexia ҳайдовчиси қўлга олингани ҳамда Қорақалпоғистон Nexia зовурга тушиб кетиши оқибатида ҳайдовчи вафот этгани ҳақида хабар берилганди.
Изоҳ (0)