Surxondaryo viloyatining Denov tumanida 4 yoshli qo‘shni qizning tilla ziragini o‘g‘irlash uchun unga 4 ta uyqu dori ichirgan maktab o‘quvchisiga jinoyat ishi qo‘zg‘atildi.
Viloyat IIB matbuot xizmatining xabar berishicha, 25-may kuni soat 09:30 larda tumanning “Vodiy” mahallasida ijarada yashovchi, maktab o‘quvchisi bo‘lgan voyaga yetmagan qiz M.A. ko‘chada o‘ynab yurgan qo‘shnisi bo‘lgan 4 yashar qiz L.M.ni ko‘rib, uni yashash uyiga olib kirgan. So‘ng 4 dona “Amitriptlin” nomli tabletkani yarim piyola suvga eritib berib, uxlab qolganidan foydalanib, qizchaning 700 ming so‘mlik tilla ziraklarini yechib olgan.
26-may kuni voyaga yetmagan M.A.ga nisbatan Jinoyat kodeksining 169-moddasi (o‘g‘rilik) 1-qism bilan jinoyat ishi qo‘zg‘atilgan.
Izoh (0)