O‘zbekistondagi masjidlarda amalga oshiriladigan namozlarni ochiq havoda, oraliq masofani saqlab amalga oshirish tavsiya etildi. Bu haqda SSV matbuot xizmati xabar qildi.
Mamlakatdagi mavjud epidemiologik holatdan kelib chiqib, mas’ul idoralarning takliflari inobatga olingan holda Respublika maxsus komissiyasi tomonidan:
- kunlik va juma namozlarini faqat masjidning ochiq havodagi maydonlari (ochiq ayvonlar, masjid hovlisi, masjidga tutash ichki ko‘chalar)da tibbiy niqobda va oraliq masofani saqlagan holda tashkil etish;
- 65 yosh va undan katta yoshdagi fuqarolar hamda surunkali kasalligi mavjud shaxslarga ular tomonidan diniy tadbirlarni imkon qadar uy sharoitida amalga oshirish;
- Respublikada faoliyat yuritayotgan boshqa diniy konfessiyalarga mansub diniy tashkilotlarda ham jamoaviy ibodatlarni yuqoridagi tartiblar asosida amalga oshirish tavsiya etildi.
Bundan tashqari, Toshkentda 18 yoshdan oshganlar 28-iyundan koronavirusga qarshi ommaviy emlanishi ma’lum qilindi. Sanitariya-epidemiologik osoyishtalik va jamoat salomatligi xizmati tomonidan Toshkent shahri “qizil”, Samarqand va Toshkent viloyati esa “sariq” hudud etib belgilandi.
Izoh (0)