O‘zbekistonga dam olish kunlari Erondan yana issiq havo kirib kelishi boshlanadi, deb xabar bermoqda “O‘zgidromet”.
26—27-iyun kunlari havo harorati kechalari 16-21 darajani, kunduz kunlari 35-38 darajani, shimol va janubda ba’zi joylarda 40 darajagacha issiqni tashkil etadi. Qayd etilishicha, bunday qiymatlar o‘rtacha-iqlimiy me’yordan 2-4 darajaga ko‘p hisoblanadi.
Respublika bo‘yicha kam bulutli va quruq ob-havo saqlanib turadi, faqat shanba kuni kechga tomon Farg‘ona viloyatining tog‘li hududlarida ba’zi joylarda momaqaldiroq bilan qisqa muddatli yomg‘ir yog‘ishi mumkin.
25—26-iyun kunlari respublikaning ayrim tumanlarida shamol 15-20 metr/sekundgacha kuchayishi kutilmoqda.
Izoh (0)