Ўзбекистондаги масжидларда амалга ошириладиган намозларни очиқ ҳавода, оралиқ масофани сақлаб амалга ошириш тавсия этилди. Бу ҳақда ССВ матбуот хизмати хабар қилди.
Мамлакатдаги мавжуд эпидемиологик ҳолатдан келиб чиқиб, масъул идораларнинг таклифлари инобатга олинган ҳолда Республика махсус комиссияси томонидан:
- кунлик ва жума намозларини фақат масжиднинг очиқ ҳаводаги майдонлари (очиқ айвонлар, масжид ҳовлиси, масжидга туташ ички кўчалар)да тиббий ниқобда ва оралиқ масофани сақлаган ҳолда ташкил этиш;
- 65 ёш ва ундан катта ёшдаги фуқаролар ҳамда сурункали касаллиги мавжуд шахсларга улар томонидан диний тадбирларни имкон қадар уй шароитида амалга ошириш;
- Республикада фаолият юритаётган бошқа диний конфессияларга мансуб диний ташкилотларда ҳам жамоавий ибодатларни юқоридаги тартиблар асосида амалга ошириш тавсия этилди.
Бундан ташқари, Тошкентда 18 ёшдан ошганлар 28 июндан коронавирусга қарши оммавий эмланиши маълум қилинди. Санитария-эпидемиологик осойишталик ва жамоат саломатлиги хизмати томонидан Тошкент шаҳри «қизил», Самарқанд ва Тошкент вилояти эса «сариқ» ҳудуд этиб белгиланди.
Изоҳ (0)