Surxondaryoda YPX xodimlari chaqiruv bo‘yicha ketayotgan tez yordam mashinasini o‘tkazmagani haqida xabar berilgandi. IIV YHXBB axborot xizmati ularga chora ko‘rilganini ma’lum qildi.
Holat Termiz shahar Navbahor ko‘chasida sodir bo‘lgandi. YPX xodimi 15—17-iyun kunlari Surxondaryo viloyatida “Yoshlar festivali” o‘tkazilgani munosabati bilan yo‘lning harakatlanish vaqtincha cheklangan qismida chaqiruv bo‘yicha manzilga ketayotgan tez yordam mashinasini o‘tkazmagan.
Holat aks etgan video ijtimoiy tarmoqda tarqalgach, keng jamoatchilik e’tirozlariga sabab bo‘lgan.
Xabarda aytilishicha, Surxondaryo viloyati IIB YHXBning 21-iyun kunidagi xizmat tekshiruvi xulosasiga ko‘ra inspektorlar egallab turgan lavozimidan ozod etilib, boshqarma ixtiyoriga qoldirildi.
Surxondaryoda 1 million so‘m pora olmagan YPX inspektori televizor bilan mukofotlangani, Angrenda kuniga 50 ta bayonnoma yozishi aytilgan YPX xodimiga nisbatan xizmat tekshiruvi tayinlangani to‘g‘risida xabar berilgandi.
Izoh (0)