Ijtimoiy tarmoqlarda “IIB xodimining fuqaroga nisbatan kuch ishlatayotgani aytilmoqda” sarlavhasi ostida video tarqaldi.
Videodan ko‘rish mumkinki, Ichki ishlar organining dala kiyimida bo‘lgan xodim tasvirga olayotgan fuqaroga tashlanib qolgan.
Sirdaryo viloyati IIB axborot xizmatining ma’lum qilishicha, videotasvirdagi holat 2018-yil sodir bo‘lgan. Shu sababli Sirdaryo viloyati IIB mas’ul xodimlari tomonidan tekshiruv ishlari olib borilmoqda.
Idora mazkur holatning natijasi bo‘yicha qo‘shimcha axborot berilishini ma’lum qilgan.
Avvalroq Yunusobodda IIBB xodimlari ayollarga kuch ishlatgani aytilgan video tarqalgan va Тoshkent shahar IIBB holat bo‘yicha izoh bergandi.
Izoh (0)