Prezident Shavkat Mirziyoyevning “Respublika hududlarida mebelsozlik sanoatini rivojlantirishga qaratilgan chora-tadbirlar to‘g‘risida”gi qarori qabul qilindi.
Unga ko‘ra, Qoraqalpog‘iston Vazirlar Kengashi va viloyatlar hokimliklari, Investitsiyalar va tashqi savdo vazirligi, Iqtisodiy taraqqiyot va kambag‘allikni qisqartirish vazirligining ilovaga muvofiq hududlarda klaster usulida mebel mahsulotlarini ishlab chiqarishga ixtisoslashgan kichik sanoat zonalarini (keyingi matnlarda — kichik sanoat zonalari) tashkil qilish to‘g‘risidagi takliflariga rozilik beriladi.
Qaror bilan quyidagilar belgilandi:
a) kichik sanoat zonalaridagi ishlab chiqarish maydonlari mulk huquqi asosida elektron onlayn-auksion orqali realizatsiya qilinadi;
b) kichik sanoat zonalaridagi ishlab chiqarish maydonlariga egalik qilishning majburiy sharti sifatida ushbu kichik sanoat zonasining bosh rejasiga asosan mebel va uning butlovchi qismlarini ishlab chiqarish hamda realizatsiya qilish obyektlarini joylashtirish belgilanadi;
v) kichik sanoat zonasidagi qishloq xo‘jaligida foydalanilgan yer maydonlarini mulk huquqi asosida elektron onlayn-auksion orqali realizatsiya qilishdan tushgan tushumning mahalliy budjetga yo‘naltiriladigan qismi budjetning qo‘shimcha daromadi sifatida shakllantiriladi va kamida 30 foizi ushbu hududda yangi yer maydonlarini qishloq xo‘jaligiga kiritish uchun sarflanadi;
g) tashkil qilinayotgan kichik sanoat zonalarining tashqi muhandislik-kommunikatsiya tarmoqlarini qurish tadbirlari:
- ichimlik suvi, oqova suv tarmoqlarini hamda avtomobil yo‘llarini qurish, rekonstruksiya qilish va ta’mirlash ishlari bo‘yicha – 2021–2023-yillar uchun Davlat budjetida nazarda tutilgan mablag‘lar;
- elektr energiyasi, tabiiy gaz va aloqa tarmoqlarini qurish, rekonstruksiya qilish va ta’mirlash ishlari bo‘yicha – o‘rnatilgan tartibda ta’minotchi korxonalar mablag‘lari hisobidan amalga oshiriladi.
- o‘n kun muddatda kichik sanoat zonalarini tashkil etish uchun 1-ilovada ko‘rsatilgan yer maydonlarini qonunchilikda belgilangan tartibda ajratilishini ta’minlaydi;
- bir oy muddatda Investitsiyalar va tashqi savdo vazirligi (A.Voitov) bilan birgalikda belgilangan tartibda kichik sanoat zonalari hududlarining chegaralari va bosh rejasi ishlab chiqilishi va tasdiqlanishini ta’minlaydi;
- ikki hafta muddatda Qishloq xo‘jaligi vazirligi (J.Xo‘jayev) bilan birgalikda tadbirkorlik subyektlarini jalb qilgan holda mahalliy budjet mablag‘lari hisobidan qishloq xo‘jaligida foydalanishga kiritiladigan yer maydonlarining manzilli ro‘yxatini tasdiqlaydi. Bunda har bir hududda yangidan qishloq xo‘jaligida foydalanishga kiritiladigan yer maydonlari ushbu hududda tashkil qilinayotgan kichik sanoat zonasi maydonidan kamida ikki barobar ko‘p bo‘lishi lozim.
Avvalroq Namanganda Gollandiya lolalarining 18 xili parvarishlanayotgani, ular 2022-yildan eksport ham qilinishi hamda O‘zbekistonda 2021-yil oxirigacha 3 ming gektar intensiv bog‘ yaratiladi va 2,5 mingta oilaga bo‘lib berilgani haqida xabar berilgandi.
Izoh (0)