20-iyul kuni Rossiyaning Vashingtondagi elchisi Anatoliy Antonov uch oylik tanaffusdan keyin AQShga qaytib bordi, deb yozadi Meduza.
Antonov o‘tirgan samolyot Nyu-Norkdagi Jon Kennedi aeroportiga mahalliy vaqt bilan 20-iyun kuni 11:50 da (Toshkent vaqti bilan 20:50) qo‘ndi. Shundan keyin elchi Vashingtonga yo‘l oldi va xizmat avtomobilida Vashingtondagi Rossiya diplomatik vakolatxonasi hududiga kirib bordi.
Rossiya va AQSh o‘rtasidagi aloqalar Amerika prezidenti Jo Bayden intervyu chog‘ida Rossiya prezidenti Vladimir Putinni “qotil” deb hisoblash-hisoblamasligi haqidagi savolga tasdiq javobidan berganidan keyin keskinlashdi.
Shundan so‘ng elchi Anatoliy Antonov maslahatlashuvlar uchun Rossiyaga chaqirib olindi. 21-martdan buyon diplomat Rossiyada edi. 22-aprelda AQShning Rossiyadagi elchisi Jon Sallivan maslahatlashuvlar uchun Vashingtonga jo‘nab ketdi — Amerika tomonidan navbatdagi sanksiyalar kiritilgach, Rossiyaning o‘zi undan buni talab qildi.
16-iyun kuni Jo Bayden va Vladimir Putinning sammitidan keyin Rossiya elchisi Vashingtonga, Amerika elchisi esa Moskvaga qaytishi ma’lum bo‘ldi.
Mavzuga doir:
- AQSh Rossiyadagi elchisini o‘zgartirmaslikka qaror qildi. Avvalroq Rossiya AQShdagi elchisini chaqirib olgan edi
- AQSh elchisi Kreml tavsiyasiga ko‘ra Rossiyani tark etishdan bosh tortmoqda — OAV
- AQShning Rossiyadagi elchisi Vashingtonga qaytib ketdi
- Putin va Baydenning birinchi uchrashuvi. Asosiy ma’lumotlar
Izoh (0)