Россия элчиси АҚШга қайтиб келди. У уч ой аввал — Байден Путинни «қотил» деб атаганидан кейин чақириб олинган эди

20 июль куни Россиянинг Вашингтондаги элчиси Анатолий Антонов уч ойлик танаффусдан кейин АҚШга қайтиб борди, деб ёзади Meduza.

Антонов ўтирган самолёт Нью-Норкдаги Жон Кеннеди аэропортига маҳаллий вақт билан 20 июнь куни 11:50 да (Тошкент вақти билан 20:50) қўнди. Шундан кейин элчи Вашингтонга йўл олди ва хизмат автомобилида Вашингтондаги Россия дипломатик ваколатхонаси ҳудудига кириб борди.

Россия ва АҚШ ўртасидаги алоқалар Америка президенти Жо Байден интервью чоғида Россия президенти Владимир Путинни «қотил» деб ҳисоблаш-ҳисобламаслиги ҳақидаги саволга тасдиқ жавобидан берганидан кейин кескинлашди.

Шундан сўнг элчи Анатолий Антонов маслаҳатлашувлар учун Россияга чақириб олинди. 21 мартдан буён дипломат Россияда эди. 22 апрелда АҚШнинг Россиядаги элчиси Жон Салливан маслаҳатлашувлар учун Вашингтонга жўнаб кетди — Америка томонидан навбатдаги санкциялар киритилгач, Россиянинг ўзи ундан буни талаб қилди.

16 июнь куни Жо Байден ва Владимир Путиннинг саммитидан кейин Россия элчиси Вашингтонга, Америка элчиси эса Москвага қайтиши маълум бўлди.