Farg‘ona viloyatidan Janubiy Koreyaga bir kunda 46 tonna gilos eksport qilindi, deya xabar berdi “Daryo” muxbiri.
Qayd etilishicha, viloyat hokimi tashabbusi bilan Farg‘ona xalqaro aeroportida tashkil etilgan Farg‘ona—Inchxon yuk aviareysida viloyatda yetishtirilgan 246 ming dollarlik 46 tonna gilos mahsulotlari Janubiy Koreyaga yuborilgan.
Ta’kidlanishicha, viloyatning Quva tumani hamda Quvasoy shahri gilos yetishtirishda yetakchilik qilmoqda.
Avvalroq Farg‘onada yetishtirilgan giloslar Singapur supermarketlarida sotilayotgani haqida xabar berilgan edi.
Ma’lum qilinishicha, 2021-yilning o‘tgan davri mobaynida Farg‘onada 25,5 million dollarga teng bo‘lgan 10 ming 420 tonna gilos xorijga eksport qilingan.
2020-yil davomida jami 30 million dollarga teng bo‘lgan 1389 partiyadagi 13 ming 360 tonna gilos Rossiya, Qirg‘iziston, Qozog‘iston, Koreya, Litva, BAA, Polsha, Ukraina, Belgiya va Xitoy kabi davlatlarga yetkazib berilgan.
Izoh (0)