O‘zbekistonda 2021-yil boshidan beri milliy valyutadagi depozitlar bo‘yicha foiz stavkalari maksimal darajaga ko‘tarildi. Bu haqda Markaziy bank ma’lumotlarida keltirilgan.
E’lon qilingan infografikada may oyida o‘rtacha ko‘rsatkich 19,4 foizni, undan oldingi to‘rt oy ichidagi natijalar esa 17 foiz, 18,3 foiz, 19,1 foiz va 19,3 foiz tashkil etgan:
Spot’ning yozishicha, shunga qaramay, stavkalar 2020-yilning mos davriga nisbatan hali ham pastligicha qolmoqda. 2020-yil may oyida ular 20 foiz va undan yuqori bo‘lgan.
Avvalroq yil boshidan buyon banklarda milliy valyutadagi depozitlar hajmi sezilarli darajada o‘sgani to‘g‘risida xabar berilgandi. Xususan, milliy valyutadagi jami muddatli depozitlar 19,6 foizga, jismoniy shaxslarning muddatli depozitlari 27,4 foizga o‘sgan.
Izoh (0)