Adidas va Lego o‘zaro hamkorlikni davom ettirgan holda bu safar krossovka emas, balki krossovka ko‘rinishidagi konstruktorni ishlab chiqardi, deb xabar bermoqda Esquire.
Yangi Lego to‘plami ramziy Superstar modeliga asoslangan: 731 qismdan 27 santimetrlik krossovkaning chap yoki o‘ng poyini yig‘ish mumkin (bir juft krossovka uchun ikkita to‘plam sotib olish kerak). Konstruktorni yig‘ish uchun, taxminan, ikki soat vaqt ketadi.
Oq va qora detallar Superstar krossovkalarining shakli va rangini ishonchli tarzda o‘xshata oladi, hatto har bir to‘plamda yorliqlar va bog‘ichlar mavjud.
To‘plam odatda Adidas Originals poyabzallari sotiladigan moviy rangli qutida sotiladi. Lego detallari solingan paketlar esa yangi krossovkalarni o‘rash uchun ishlatiladigan qog‘ozga aylanadi.
10282 adidas Originals Superstar deb nomlangan to‘plam 2021-yilning 1-iyulidan sotuvga chiqadi. Uning narxi salkam 125 AQSh dollarini tashkil qiladi.
Mavzuga doir:
- Nike brendi PlayStation 5’dan ilhomlanilgan krossovkalarini taqdim etdi (foto)
- Samsung Adidas bilan hamkorlikda yaratilgan naushnigini taqdim etdi
- Cho‘ntakli krossovkalar qanday ko‘rinishga ega va ular nima uchun kerak?
- Reper Tommi Kesh va Adidas Originals uzunligi 1 metrni tashkil qiladigan krossovka modelini namoyish qildi
Izoh (0)