Хитойдаги қурилиш компанияларидан бири 28 соат 45 дақиқа ичида 10 қаватли бинони қуришга муваффақ бўлди, деб хабар беради «Korrespondent.net».
Маълум қилинишича, кўп қаватли турар жой биноси Living Building йиғма конструкциялар тизимидан фойдаланилган ҳолда қурилган.
Ушбу тизимнинг ўзига хос жиҳати — ҳар бир қурилиш модули йиғилган ҳолатда транспорт контейнери ўлчамига тенг. Бу уни дунёнинг исталган нуқтасига осонликча ташиш имконини беради.
Модуль симли зангламайдиган пўлат конструкциядан ташкил топган, шунингдек, у изоляцияланган, шиша қопламага ва вентиляция тизимига эга. Компания бинони йиғиш учун у қадар катта бўлмаган қурилиш бригадаси ва учта крандан фойдаланган.
Аввалроқ Хитойнинг Чунсин шаҳридаги Raffles City Chongqing осмонўпар бинолар мажмуасида Crystal номли «горизонтал осмонўпар» бино фойдаланишга топширилгани ҳақида хабар берилганди.
Мавзуга доир: Хитойда «кемтик» осмонўпар бино қурилди (фото)
Изоҳ (0)