Xitoyda 2019-yilda asos solingan Shanghai Jingwu Intelligent Technology kompaniyasi mehmonxonalar uchun robotlar ishlab chiqarishni boshladi, deb xabar beradi IXBT. Ko‘p yillik tajribaga ega mutaxassislar jamoasi mustaqil ravishda robotni yaratgan va asosiy ehtiyot qismlarini tayyorlagan bo‘lib, bu kelajakda ishlab chiqarishni rivojlantirish hamda ko‘lamini oshirishga xizmat qiladi. Bunga parallel ravishda bulutli platforma va qo‘llab-quvvatlash vositasi ham yaratilgan.
Robot asosiy e’tiborini tashuvchi robotlarga qaratmoqda. Ular mehmonxona ichida mehmon tomonidan buyurtma qilingan pochta, yegulik, ichimlik va buyumlarni tashish bilan shug‘ullanadi. Robotlar nomerlarda buyumlarni, telefonlar, “aqlli” kolonka va boshqa qurilmalarni saqlash bog‘liq. Manbaning ma’lum qilishicha, bitta robot bir kunda 70-80 ta yetkazib berish ishini amalga oshirishi mumkin. Shuningdek, robot uchun yo‘l ko‘rsatuvchi funksiyasi standart hisoblanadi. Modul konstruksiya qo‘shimcha funksiyalarni, jumladan, tana haroratini o‘lchash yoki binoni qo‘riqlash kabi ishlarni amalga oshirish imkonini ham beradi.
Xitoydagi yirik Home Inn Selected mehmonxonalar tarmog‘ida amalga oshirilgan sinovlar bitta robot ham mehmonxona xodimi, ham qo‘riqchi ishini bajara olishini ko‘rsatgan, bu esa oyiga o‘rtacha 1400 dollar xarajatni kamaytirishni ta’minlaydi. Qo‘shimcha mablag‘lar savdo tovarlari funksiyasini qo‘shishga imkon yaratadi.
Shanghai Jingwu Intelligent Technology robotlaridan hozirda taxminan 1000 ta mehmonxonada foydalanilmoqda. Yil oxiriga borib kompaniya robotlar ishlayotgan ish o‘rinlari sonini 3500 ga yetkazishni rejalashtirgan.
Xalqaro robototexnika federatsiyasi (IFR) tomonidan e’lon qilingan ma’lumotlarga ko‘ra, 2019-yilda Xitoydagi servis robotlari bozori 2,2 milliard dollarni tashkil etgan (jahon bozorining 25 foizi). IFR mutaxassislarning prognozida qayd etilishicha, 2023-yilga borib jahondagi servis robotlar bozori 27,7 milliard dollarga, Xitoy bozori esa 8 milliard dollarga yetadi.
Avvalroq Xitoyda tish qo‘yishga qodir stomatolog-robot, Avstraliyada esa olma terishga qodir robot yaratilgani to‘g‘risida xabar berilgandi.
Izoh (0)