Irlandiyadagi Ilmiy fondning dasturiy ta’minot tadqiqot markazi ekspertlari videoo‘yinlar ayrim turdagi ruhiy buzilishlarga oid muammolarni hal etishi mumkinligini ma’lum qildi, deb xabar beradi “Korrespondent.net”.
Ta’kidlanishicha, bu kabi mashg‘ulotdan an’anaviy davolash usullari samarasiz bo‘lgan joyda yoki depressiya va tushkunlikni davolashdagi an’anaviy terapiyaga qo‘shimcha sifatida foydalanish mumkin.
“Tijoriy videoo‘yinlarni ruhiy sog‘liqning turli jihatlarini yaxshilashda potensial muqobil sifatida ko‘rib chiqish kerak”, — deydi olimlar.
Xususan, tadqiqot virtual reallikka ega videoo‘yinlar ruhiy buzilishga ega insonlarni kognitiv xulq-atvor usullari yordamida davolashda o‘zini yaxshi his qilishiga ta’sir ko‘rsatgan. Ayniqsa, bu koronavirus pandemiyasi sabab turfa muloqot va xizmatlar cheklangan sharoitda foyda beradi.
Eslatib o‘tamiz, 2020-yilda mutaxassislar EndeavorRX o‘yin qurilmasidan diqqat yetishmovchiligining giperaktivligi buzilishidan aziyat chekuvchi bolalarni davolashda foydalanishga ruxsat bergandi.
Izoh (0)