Buxoroda hamshiralikka ishga joylashtirishni va’da qilib, fuqarodan 1700 dollar olgan shaxs qo‘lga olindi. Bu haqda “Daryo”ga Bosh prokuratura huzuridagi Departamentning Buxoro shahar bo‘limi xabar berdi.
Ta’kidlanishicha, Buxoro shahrida yashovchi 27 yoshli B.M. fuqaro M.T.ni Respublika shoshilinch tibbiy yordam ilmiy markazining Buxoro filialiga to‘liq “stavka”da hamshiralikka joylashtirib qo‘yishni va’da qilgan. Va evaziga 1700 dollar berishni talab qilgan. Anchadan buyon ish bilan band bo‘lmagan M.T. buncha miqdordagi pulni pora evaziga berishga imkoni yetmasligi bois holatni huquq-tartibot idoralariga bildirishga majbur bo‘lgan.Huquqni muhofaza qiluvchi idoralar xodimlari tomonidan o‘tkazilgan tekzor tadbirda B.M. M.T.dan kimyoviy ishlov berilgan 1700 dollarni olayotgan vaqtda ushlangan.
Mazkur holat yuzasidan Jinoyat kodeksining 168-moddasi 2-qismi “b” bandi (firibgarlik) va 211-moddasi 1-qismi (pora berish) bilan jinoyat ishi qo‘zg‘atilib, dastlabki tergov harakatlari olib borilmoqda.
Mavzuga doir:
- Buxoroda fuqarodan pul talab qilgan soxta Milliy gvardiya xodimi qo‘lga olindi
- Andijonda o‘g‘lining fermer xo‘jaligiga tegishli 10 sotix yerni 6 ming dollarga sotmoqchi bo‘lgan shaxs qo‘lga olindi
- Guliston davlat universitetiga o‘qishga kiritib qo‘yish uchun 3 kishidan 6,4 ming dollar pul olgan shaxslar qo‘lga olindi
Izoh (0)