Futbol bo‘yicha Yevropa chempionati guruh bosqichi 2-turi doirasida Turkiya va Uels terma jamoalari 16-iyun, chorshanba kuni o‘zaro bahs yuritdi.
Boku shahri mezbonlik qilgan o‘yin Uels vakillarining g‘alabasi bilan yakunlandi. Aaron Remzi 43-daqiqada hisobni ochgan bo‘lsa, o‘yinga qo‘shib berilgan daqiqalarda Konnor Roberts jamoasiga ishonchli g‘alabani taqdim etdi. Hisob yirik ko‘rinish olishi ham mumkin edi, biroq 61-daqiqada Garet Beyl 11 metrlik jarima zarbasini noaniq amalga oshirdi.
Guruhning ikkinchi uchrashuvida Italiya va Shveysariya terma jamoalari to‘qnash keladi.
Yevro—2020
Guruh bosqichi, 2-tur
16-iyun, chorshanba
Turkiya — Uels 0:2
Gol: 0:1 — 43 Remzi, 0:2 — 90+5 Roberts.Turkiya: Chaqir, Ayxan, Chelik, Merash (Myuldo‘r, 73), Suyunju, O‘nder, Qahveji, 83), Yokushlu (Demiral, 46), Chalxano‘g‘lu, Tufan (Yaziji, 46), Yilmaz, Karaman (Dervisho‘g‘lu, 75).
Uels: Uord, Roberts, Rodon, Devis, Mifem, Allen (Ampadu, 73), Morrell, Beyl, Remzi (Uilson, 85), Jeyms, Mur.
Izoh (0)