“Quloqsiz” bolalarga qarab turgan g‘ozlar surati internetda mashhurlikka erishdi

Ikkita g‘ozini “quloqsiz” farzandlariga qarab turish uchun qo‘yib qo‘ygan tayvanlik fuqaro ijtimoiy tarmoqlarda mashhurlikka erishdi, deb xabar beradi AsiaOne.

Uch nafar bolaning onasini Facebook’da yozishicha, koronavirus pandemiyasi oqibatida joriy etilgan lokdaunlar sabab bolalar muntazam uyda qolib ketgan va uning aytganini qilmay qo‘ygan. Ayol farzandlari haddan ortiq energiyaga boy ekanligidan va ko‘plab muammolarni yuzaga keltirayotganidan shikoyat qilgan.

“Gapimga kirmasdan, muntazam shovqin solishadi, shu sababli g‘ozlarni ularga qarshi qo‘ydim”, — deb yozadi ayol e’lon qilingan surat ostiga. Suratda uch nafar bola uy hayvonidan qo‘rqqan holda bir-biriga yopishib turganini ko‘rish mumkin.

Xitoylik ayolning posti ijtimoiy tarmoqlar foydalanuvchilarining kayfiyatini ko‘rgan. “Aftidan, bu usul yaxshi ishlayotgan ko‘rinadi!”, — deb yozadi foydalanuvchilardan biri.

Boshqa foydalanuvchilar esa bolalardan xavotirga tushib, g‘ozlar cho‘qishi mumkinligini eslatib o‘tgan. Ayol esa bunga javoban g‘ozlar aslida balkonda yashashini va kamdan kam hollarda xonaga kirishini, shu sababli bolalarga xavf tug‘dirmasligini bildirgan.