O‘zbekistonlik shaxmatchi Shamsiddin Vohidov gibrid shaxmat bo‘yicha Osiyo chempionligini qo‘lga kiritdi. 3-iyun kuni Turizm va sport vazirligida sportchini taqdirlash marosimi bo‘lib o‘tdi.
Unda Bosh vazir o‘rinbosari, Turizm va sport vaziri, O‘zbekiston shaxmat federatsiyasi raisi Aziz Abduhakimov ishtirok etib, Vohidovni muborakbod etdi.
Tadbirda Aziz Abduhakimov tomonidan Osiyo chempioniga zamonaviy shaxmat dasturlari jamlangan IMac kompyuteri sovg‘a qilindi.
O‘zbekistonlik shaxmatchi ushbu g‘alabasi evaziga bir vaqtning o‘zida Jahon Kubogi yo‘llanmasini ham qo‘lga kiritdi. Natijada Jahon Kubogida ishtirok etadigan o‘zbekistonlik shaxmatchilar soni besh nafarga yetdi. Avvalroq Javohir Sindorov, Nodirbek Abdusattorov, Nodirbek Yoqubboyev va Javohir Vohidov Jahon Kubogiga yo‘llanma olgandi.
Tadbir yakunida esa O‘zbekiston shaxmat federatsiyasi raisi Aziz Abduhakimov Osiyo chempioniga qarshi dona surdi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)