Ўзбекистонлик шахматчи Шамсиддин Воҳидов гибрид шахмат бўйича Осиё чемпионлигини қўлга киритди. 3 июнь куни Туризм ва спорт вазирлигида спортчини тақдирлаш маросими бўлиб ўтди.
Унда Бош вазир ўринбосари, Туризм ва спорт вазири, Ўзбекистон шахмат федерацияси раиси Азиз Абдуҳакимов иштирок этиб, Воҳидовни муборакбод этди.
Тадбирда Азиз Абдуҳакимов томонидан Осиё чемпионига замонавий шахмат дастурлари жамланган IMac компьютери совға қилинди.
Ўзбекистонлик шахматчи ушбу ғалабаси эвазига бир вақтнинг ўзида Жаҳон Кубоги йўлланмасини ҳам қўлга киритди. Натижада Жаҳон Кубогида иштирок этадиган ўзбекистонлик шахматчилар сони беш нафарга етди. Аввалроқ Жавоҳир Синдоров, Нодирбек Абдусатторов, Нодирбек Ёқуббоев ва Жавоҳир Воҳидов Жаҳон Кубогига йўлланма олганди.
Тадбир якунида эса Ўзбекистон шахмат федерацияси раиси Азиз Абдуҳакимов Осиё чемпионига қарши дона сурди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)