Litvada bo‘lib o‘tadigan futzal bo‘yicha Jahon Chempionatiga qur’a tashlandi.
Unga ko‘ra O‘zbekiston futzal terma jamoasi B guruhidan o‘rin oldi. Bahodir Ahmedov boshchiligidagi futzalchilarga Rossiya, Gvatemala va Misr terma jamoalari raqiblik qiladi.
Qayd etish joiz, O‘zbekiston musobaqaga to‘g‘ridan to‘g‘ri yo‘llanmani qo‘lga kiritgan. Osiyo futbol konfederatsiyasi so‘nggi 3 ta qit’a birinchiliklaridagi natijalardan kelib chiqib, O‘zbekiston, Eron va Yaponiya futzal terma jamoalariga Jahon Chempionatida ishtirok etish huquqini bergandi. Shuningdek, Tailand va Vyetnam ham Osiyo nomidan mundialda qatnashadi. Bunday qarorga kelinishiga koronavirus pandemiyasi sabab JCh—2020 musobaqasiga yo‘llanma taqdim etuvchi Osiyo chempionatining o‘tkazilmagani sabab bo‘ldi.
Bu O‘zbekiston futzal terma jamoasi uchun ikkinchi Jahon Chempionati bo‘ladi. Bungacha terma jamoa 2016-yili Kolumbiyada o‘tkazilgan mundialda ham ishtirok etgandi.
Jahon Chempionatining barcha guruhlari:
Musobaqa 2021-yilning 12-sentabridan 3-oktabrigacha bo‘lgan muddatda o‘tkaziladi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)