Литвада бўлиб ўтадиган футзал бўйича Жаҳон Чемпионатига қуръа ташланди.
Унга кўра Ўзбекистон футзал терма жамоаси B гуруҳидан ўрин олди. Баҳодир Аҳмедов бошчилигидаги футзалчиларга Россия, Гватемала ва Миср терма жамоалари рақиблик қилади.
Қайд этиш жоиз, Ўзбекистон мусобақага тўғридан-тўғри йўлланмани қўлга киритган. Осиё футбол конфедерацияси сўнгги 3 та қитъа биринчиликларидаги натижалардан келиб чиқиб, Ўзбекистон, Эрон ва Япония футзал терма жамоаларига Жаҳон Чемпионатида иштирок этиш ҳуқуқини берганди. Шунингдек, Таиланд ва Вьетнам ҳам Осиё номидан мундиалда қатнашади. Бундай қарорга келинишига коронавирус пандемияси сабаб ЖЧ—2020 мусобақасига йўлланма тақдим этувчи Осиё чемпионатининг ўтказилмагани сабаб бўлди.
Бу Ўзбекистон футзал терма жамоаси учун иккинчи Жаҳон Чемпионати бўлади. Бунгача терма жамоа 2016 йили Колумбияда ўтказилган мундиалда ҳам иштирок этганди.
Жаҳон Чемпионатининг барча гуруҳлари:
Мусобақа 2021 йилнинг 12 сентябридан 3 октябригача бўлган муддатда ўтказилади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)