Angliya Premyer Ligasida 2020/21-yilgi mavsumning eng yaxshi o‘yinchisi nomiga da’vogarlar e’lon qilindi

Angliya Premyer Ligasi 2020/21-yilgi mavsumning eng yaxshi futbolchisi nomiga nomzodlar ro‘yxatini e’lon qildi.

Ro‘yxatdan Ruben Diash (“Manchester Siti”), Kevin de Bryuyne (“Manchester Siti”), Brunu Fernandesh (“Manchester Yunayted”), Meyson Maunt (“Chelsi”), Jek Grilish (“Aston Villa”), Tomash Souchek (“Vest Hem”), Muhammad Saloh (“Liverpul”) va Harri Keyn (“Tottenhem”) joy olgan.

• Ruben Diash — 32 o‘yinda 1 ta gol;
• Kevin de Bryuyne — 25 o‘yinda 6 ta gol va 12 ta golli uzatma;
• Brunu Fernandesh — 37 o‘yinda 18 ta gol va 12 ta golli uzatma;
• Meyson Maunt — 36 o‘yinda 6 ta gol va 5 ta golli uzatma;
• Jek Grilish — 26 o‘yinda 6 ta gol va 10 ta golli uzatma;
• Tomash Souchek — 38 o‘yinda 10 ta gol va 1 ta golli uzatma;
• Muhammad Saloh — 37 o‘yinda 22 ta gol va 5 ta golli uzatma;
• Harri Keyn — 35 o‘yinda 23 ta gol va 14 ta golli uzatma.