O‘zbekiston milliy terma jamoasi va “Jenoa” hujumchisi Eldor Shomurodovning otasi Azamat Shomurodov “Sports.uz” saytiga bergan intervyusida o‘g‘lining A Seriyadagi dastlabki mavsumidagi o‘yini haqida gapirdi.
To‘g‘risini aytsam, kutmagandim. Bilasiz, boshida moslashishi ham oson kechmadi. Vaqt o‘tgan sari Eldor u yerda o‘zini yaxshiroq his qila boshladi. Keyinchalik oilasi ham Eldor bilan birga ketdi va bu ham unga yengillik berdi. Rafiqasi va farzandi yonida bo‘lganidan keyin Eldor ko‘proq gol ura boshladi. Aytmoqchimanki, oilasining yonidaligi katta yordam berdi. Baribir yaqinlaringning sen bilan birga bo‘lishi o‘zingni qulay his qilishingga sabab bo‘ladi. Boshida esa o‘g‘lim Italiyada bir o‘zi edi, shuning uchun unga oson bo‘lmadi.Shuningdek, u dastlab Eldorning nechta gol urishini taxmin qilgani haqidagi savolga ham javob berdi.Azamat Shomurodov, Eldor Shomurodovning otasi
“Ko‘pi bilan 5-6 ta ursa kerak deb o‘ylagandim. Lekin 8 ta gol urishini o‘ylamagandim. Uning o‘yinlari va natijalaridan xursandmiz. U o‘z ustida ishlashdan to‘xtamadi. Doim izlanishda bo‘ldi”, — deydi Eldorning otasi.
2020-yilning yozgi transfer oynasida “Jenoa”ga qo‘shilgan Shomurodov A Seriya 2020/21-yilgi mavsumida 31 ta o‘yin o‘tkazib, 8 ta gol va bitta golli uzatma amalga oshirdi. Qayd etish joiz, Eldor 8 ta golidan 5 tasini A Seriyadagi so‘nggi 6 ta o‘yinda urdi.
Mavzuga doir:
- Eldor Shomurodovning A Seriya 2020/21-yilgi mavsumida urgan barcha gollari bitta sahifada (video)
- Raqamlar so‘zlaganda: Eldor Shomurodovning Italiyadagi debyut mavsumi qanday o‘tdi?
- Dibaladan Riberigacha. Eldor Shomurodov A Seriya 2020/21-yilgi mavsumdagi gollari soni bo‘yicha qator yulduzlarni ortda qoldirmoqda
Izoh (0)