O‘zbekiston terma jamoasi hujumchisi Eldor Shomurodov harakat qilayotgan “Jenoa” klubi Italiya A Seriyasi 2020/21-yilgi mavsumidagi ishtirokini yakunladi.

Foto: “Jenoa” FK

Mavsumning so‘nggi o‘yinida genuyaliklar Eldor Shomurodovning yagona goli evaziga “Kalyari”ni mag‘lub etdi.

Yozgi transfer oynasida “Jenoa”ga qo‘shilgan Shomurodov A Seriya 2020/21-yilgi mavsumida 31 ta o‘yin o‘tkazib, 8 ta gol va bitta golli uzatma amalga oshirdi. Qayd etish joiz, Eldor 8 ta golidan 5 tasini A Seriyadagi so‘nggi 6 ta o‘yinda urdi.

Shomurodov 31 uchrashuvning 16 tasida asosiy tarkibda maydonga tushdi va o‘rtacha bir o‘yinda 54 daqiqa harakat qildi.

Eldorning uzatmalari aniqligi o‘rtacha 70 foizni tashkil qildi (har bir o‘yinda o‘rtacha — 10,5).

Eldor Shomurodovning A Seriya 2020/21-yilgi mavsumida maydondagi harakatlari termo-xaritasi

Foto: SofaScore

Shuningdek, Eldor Italiya Kubogida ham bitta o‘yin o‘tkazib, unda golli uzatma muallifiga aylandi.