“Atletiko” darvozaboni Yan Oblak Ispaniya La Ligasining may oyidagi eng yaxshi futbolchisi deb topildi.
Sloveniyalik darvozabon may oyida Ispaniya chempionatining 5 o‘yinida jami 18 ta seyvni amalga oshirdi va 2 ta bahsda o‘z darvozasi daxlsizligini saqlab qoldi.
Oblak bu yo‘lda “Betis” hujumchisi Borxa Iglesias, “Valensiya” yarim himoyachisi Karlos Soler, “Real” yarim himoyachisi Kazemiro, “Vilyarreal” hujumchisi Xerard Moreno, “Alaves” hujumchisi Xoselu va “Selta” forvardi Santi Minani ortda qoldirdi.
Oblak 2014-yildan beri Marid klubi safida to‘p surib kelmoqda. 2020/21-yilgi mavsumda u La Liganing 38 o‘yinida maydonga tushib, shulardan 16 tasini “quruq” o‘tkazdi.
Izoh (0)