O‘zbekistonda 2021-yilda 2 ming 400 ta, kelgusi 2 yilda 4 ming 100 ta ko‘p kvartirali uylar ta’mirlanadi. Bu haqda ayni paytda Prezident Shavkat Mirziyoyev raisligida o‘tkazilayotgan yig‘ilishda davlat rahbari so‘z yuritdi, deya xabar bermoqda “Daryo” muxbiri.
“Shu yil oxiriga qadar 66 ta uylar mahalliy budjet hisobidan yoki tadbirkorlar bilan birga qurib beriladi.
Kamolov, Sariyev – 45 ta, Hidoyatov – 8 ta, Mirzayev – 6 ta, Soliyev, Tursunov, Bobolov – 2 tadan, Abdurahmonov – 1 ta yaroqsiz uy-joyni mahalliy budjet hisobidan qurish bo‘yicha bir oy muddatda ishlarni boshlasin.
Qoraqalpog‘istonda yaroqsiz uylar ko‘pligini inobatga olib, Ramatov, Hidoyatov, Ishmetov, Boboyev bir hafta muddatda joyiga chiqqan holda 41 tasi uyni yangilashning moliyaviy manbalarini hal qilsin. Shuningdek, Nazirov viloyat, tuman va shahar hokimlari bilan birga 2021-yilda 456 ta avariya holatidagi uylarni ta’mirlash ishlarini yakuniga yetkazsin.
Ushbu maqsadlarga 2021-yilda Ishmetov 100 milliard so‘m, viloyat hokimlari 60 milliard so‘m ajratadi”, – dedi Shavkat Mirziyoyev.
Bundan avval Shavkat Mirziyoyev “Shaffof qurilish” tizimi orqali bir oyda qancha mablag‘ iqtisod qilinganini aytgani hamda “Obod qishloq” va “Obod mahalla” dasturlari ijrosini tanqid qilgani haqida xabar berilgandi.
Izoh (0)