Buyuk Britaniyada koronavirusga qarshi dunyoda birinchilardan bo‘lib Pfizer va BioNTech vaksinasi bilan emlangan 81 yoshli Uilyam Shekspir vafot etdi, deb yozmoqda BBC.
BBC’ning ma’lum qilishicha, uning o‘limi vaksina bilan bog‘liq emas. Yorkshir grafligida yashovchi Shekspir 2020-yilning dekabr oyida Koventri universitetining shifoxonasida emlangan edi. Shifoxona mutaxassislarining so‘zlariga ko‘ra, uning o‘limiga insult sabab bo‘lgan. Marhumning turmush o‘rtog‘i, ikki nafar o‘g‘li va nabiralari bor edi.
Ma’lumot uchun, Buyuk Britaniya Amerikaning Pfizer va Germaniyaning BioNTech kompaniyalari tomonidan ishlab chiqilgan vaksinani ma’qullagan birinchi davlat hisoblanadi. Vaksinatsiya dasturi doirasida Pfizer/BioNTech preparati bilan inyeksiya qilingan birinchi britaniyalik 90 yoshli Margaret Kinan bo‘ldi. Shekspir mazkur vaksinalar bilan emlangan birinchi erkak bo‘lgan.
Izoh (0)