Буюк Британияда коронавирусга қарши дунёда биринчилардан бўлиб Pfizer ва BioNTech вакцинаси билан эмланган 81 ёшли Уильям Шекспир вафот этди, деб ёзмоқда BBC.
BBC’нинг маълум қилишича, унинг ўлими вакцина билан боғлиқ эмас. Ёркшир графлигида яшовчи Шекспир 2020 йилнинг декабрь ойида Ковентри университетининг шифохонасида эмланган эди. Шифохона мутахассисларининг сўзларига кўра, унинг ўлимига инсульт сабаб бўлган. Марҳумнинг турмуш ўртоғи, икки нафар ўғли ва набиралари бор эди.
Маълумот учун, Буюк Британия Американинг Pfizer ва Германиянинг BioNTech компаниялари томонидан ишлаб чиқилган вакцинани маъқуллаган биринчи давлат ҳисобланади. Вакцинация дастури доирасида Pfizer/BioNTech препарати билан инъекция қилинган биринчи британиялик 90 ёшли Маргарет Кинан бўлди. Шекспир мазкур вакциналар билан эмланган биринчи эркак бўлган.
Изоҳ (0)