Qashqadaryo viloyati IIB Jinoyat qidiruv bo‘limi, Korrupsiya va iqtisodiy jinoyatlarga qarshi kurashish bo‘limi va Qamashi tumani IIB xodimlari hamkorligida o‘tkazilgan tadbirda qo‘lbola mahsulot ishlab chiqarish bilan bog‘liq bo‘lgan noqonuniy faoliyatga chek qo‘yildi. Bu haqda viloyat IIB matbuot xizmati xabar qildi.
Qayd etilishicha, 2021-yil 20-may kuni Qamashi tumani “Navoiy” MFYda yashovchi E.O‘. uyining qo‘shimcha binosida moyjuvoz uskunasini o‘rnatib, yog‘ ishlab chiqarib kelayotganligi aniqlangan.
Gumondorning uyidan yog‘ ishlab chiqaruvchi asbob-uskunalar va 400 kilogramm chigit, 500 litr moyjuvoz yog‘i, 200 kilogramm kunjara, 100 litr zig‘ir yog‘i, 150 dona 5 litr hajmli yelim idish va qopqoqlari ashyoviy dalil sifatida hujjatlashtirib olindi.
Mazkur holat yuzasidan to‘plangan hujjatlar asosida Qamashi tumani IIB huzuridagi Tergov bo‘limi tergovga qadar tekshiruv harakatlari olib borilmoqda.
Bundan avval Urganchdagi ohak ishlab chiqarish sexi 1,4 mlrd so‘mlik tabiiy gazdan noqonuniy foydalangani aniqlangani, Sirdaryoda qashqadaryolik haydovchi boshqaruvidagi Nexia’dan iste’molga yaroqsiz 329 kg go‘sht aniqlangani hamda G‘ijduvonda yon qo‘shnisi gaz quvuriga yashirincha ulanib, tabiiy gazdan noqonuniy foydalanish holati aniqlangani haqida xabar berilgandi.
Izoh (0)