Ukraina prezidenti Vladimir Zelenskiy ikki yildan beri davom etayotgan rahbarlik faoliyatida saylovoldi va’dalarining atigi 25 foizini bajardi. Bu haqda Ukraina Saylovchilari qo‘mitasi matbuot xizmatiga tayanib “Izvestiya” xabar berdi.
Qo‘mita 19-may kuni Ukraina rahbarining saylovlar bo‘yicha bajarilmagan va’dalari ro‘yxatini e’lon qildi, unga ko‘ra, 30 bandli va’dalarning atigi sakkiztasi qisman yoki to‘liq bajarilgan. Tashkilotning qayd etishicha, to‘ldirilgan bandlar ikkinchi darajali bo‘lib, fuqarolarning hayotiga jiddiy ta’sir ko‘rsatmaydi.
“Ukraina Saylovchilari qo‘mitasi Zelenskiyning saylovoldi dasturi 30 banddan iborat ekani, shundan 22 tasi bajarilmagani, 8 tasi qisman yoki to‘liq bajarilganini aniqladi. Demak, dastur faqat 25 foiz bajarilgan. Amalga oshirilgan va’dalarning aksariyati ‘ikkinchi darajali’”, — deyiladi xabarda.
Ro‘yxatdan ma’lum bo‘lishicha, Zelenskiy, garchi bu uning saylovdagi asosiy va’dalaridan biri bo‘lgan bo‘lsa-da, Donbassdagi mojaroni tugatmagan, Ukrainaning “vaqtincha bosib olingan hududlarini” qaytarib olmagan, mamlakatda byurokratiyani soddalashtirishni amalga oshirmagan, pensiya ta’minotini ko‘paytirmagan, pul topish uchun boshqa mamlakatlarga ketgan ukrainaliklarni qaytarish maqsadiga va boshqa ko‘plab va’dalarga erishilmagan.
2020-yilning aprel oyida ukrainalik teleboshlovchi va aktrisa Snejana Yegorova prezident Vladimir Zelenskiyni tanqid qilib, uni saylov va’dalarini bajarmaganlikda ayblagan. Yegorova Ukraina rahbari o‘z lavozimi doirasida qobiliyatsiz ekani va kinoteatrda ochko‘z amaldorlarni qoralash borasidagina usta ekanini aytgan.
2020-yil noyabr oyida Zelenskiy o‘zining saylovoldi dasturining barcha bajarilmagan bandlaridan xabardor ekanini aytdi va ularni bajarishga va’da berdi. Zelenskiy 2019-yil 21-aprelda bo‘lib o‘tgan saylovlarning ikkinchi bosqichida g‘olib chiqib, Ukraina prezidentiga aylangan edi. Saylovchilarning 73 foizdan ortig‘i unga ovoz bergan.
Keyinchalik tantanali nutq davomida siyosatchi boshqa masalalar qatori, Donbassdagi mojaroni tugatishga va’da bergan, deputatlik daxlsizligini bekor qilishga chaqirgan, Oliy Radani tarqatib yuborib, ko‘chib ketgan ukrainaliklarni o‘z vataniga chaqirgan.
Ukrainada keyingi prezidentlik saylovlari 2024-yilda bo‘lib o‘tadi.
Izoh (0)