Toshkent viloyati Oqqo‘rg‘on tumanida avtomobil olib qochgan qiz qo‘lga olindi, deya xabar qilmoqda O‘zA.
Qayd etilishicha, 2021-yilning 10-may kuni J.A. 102 qisqa raqamiga bergan xabariga ko‘ra, avtomashinasining eshiklari ochiq holatda tanish qizga tashlab binoga kirib ketgani, qaytib chiqqanida esa avtomashinasi joyida yo‘qligi, uni noma’lum shaxs olib qochganini ma’lum qilgan.
J.A. shu kuni soat 15:00 larda Toshkent viloyati Oqqo‘rg‘on tumani Mustaqillik ko‘chasida joylashgan “Avto sug‘urta” binosi yoniga Lacetti rusumli avtomashinasida B.S. ismli qiz bilan kelgan. U sug‘urta polisini yangilash maqsadida ichkariga kirib ketgan.
Tezkor qidiruv harakatlari natijasida ushbu jinoyatni 21 yoshli B.S. sodir etgani aniqlanib, avtomashinani “Totuvli” mahallasi hududida boshqarib ketayotgan vaqtida ushlangan.
Mazkur holat yuzasidan Oqqo‘rg‘on tumani IIB huzuridagi Tergov bo‘limi tomonidan B.S.ga nisbatan Jinoyat kodeksining tegishli moddasi transport vositasini olib qochish holati bilan jinoyat ishi qo‘zg‘atilgan. Hozirda tergov harakatlari olib borilmoqda.
Bundan avval Andijonda olib qochilgan Spark ikkita avtomobilga borib urilgani, Farg‘onada sobiq kuyov qaynanasining mashinasini olib qochgani hamda Xorazmda 63 yoshli otaxon Tico’ni olib qochgani haqida xabar berilgandi.
Izoh (0)