Toshkent shahri va Toshkent viloyatining ayrim tumanlarida nazoratchilar aholidan pul olishi amaliyoti to‘xtatiladi, deya xabar qilmoqda “O‘zsuvta’minot” axborot xizmati.
Ma’lum qilinishicha, 2021-yil 20-maydan 1-iyulgacha pilot loyiha tariqasida Toshkent shahrining Olmazor va Shayxontohur tumanlari hamda Toshkent viloyatining Qibray tumanida (“Musaffo obihayot” MChJ iste’molchilaridan tashqari) suv ta’minoti korxonalarining nazoratchilari tomonidan xizmatlar uchun aholidan pul undirish ishlari butunlay to‘xtatiladi.
Ushbu hududlarga biriktirilgan nazoratchilar faqat belgilangan tartibdagi kuzatuv va xatlov ishlari bilan shug‘ullanadi, ular tasarrufidagi to‘lov terminallari va termoprinterlar boshqa hududlarga biriktiriladi.
Ichimlik va oqova suv xizmatlari uchun to‘lovlarni o‘z vaqtida amalga oshirishda quyidagi vositalardan foydalanish mumkinligi eslatib o‘tiladi:
- “Cabinet.uzst.uz” shaxsiy kabinet orqali;
- @uzst_bot Telegram boti orqali;
- elektron to‘lov tizimlari hamda to‘lov infokiosklari;
- tijorat banklari mobil ilovalari;
- tijorat bank kassalari va shoxobchalari hamda pochta bo‘limlari.
Mavzuga doir:
- Toshkent shahar hokimligi Stalin davrida qurilgan 300 ga yaqin bino fasadini yangilamoqda
- Shavkat Mirziyoyev: “2021-yilda ko‘p qavatli uylarga xizmatlar ko‘rsatish hajmi kamida 3 baravarga oshiriladi”
- Yakkasaroy hokimining 442 ta uyni boshqaruv tashkilotlariga berish to‘g‘risidagi qarori bekor qilindi
Izoh (0)