Тошкент вилояти Оққўрғон туманида автомобиль олиб қочган қиз қўлга олинди, дея хабар қилмоқда ЎзА.
Қайд этилишича, 2021 йилнинг 10 май куни Ж.А. 102 қисқа рақамига берган хабарига кўра, автомашинасининг эшиклари очиқ ҳолатда таниш қизга ташлаб бинога кириб кетгани, қайтиб чиққанида эса автомашинаси жойида йўқлиги, уни номаълум шахс олиб қочганини маълум қилган.
Ж.А. шу куни соат 15:00 ларда Тошкент вилояти Оққўрғон тумани Мустақиллик кўчасида жойлашган «Авто суғурта» биноси ёнига Lacetti русумли автомашинасида Б.С. исмли қиз билан келган. У суғурта полисини янгилаш мақсадида ичкарига кириб кетган.
Тезкор қидирув ҳаракатлари натижасида ушбу жиноятни 21 ёшли Б.С. содир этгани аниқланиб, автомашинани «Тотувли» маҳалласи ҳудудида бошқариб кетаётган вақтида ушланган.
Мазкур ҳолат юзасидан Оққўрғон тумани ИИБ ҳузуридаги Тергов бўлими томонидан Б.С.га нисбатан Жиноят кодексининг тегишли моддаси транспорт воситасини олиб қочиш ҳолати билан жиноят иши қўзғатилган. Ҳозирда тергов ҳаракатлари олиб борилмоқда.
Бундан аввал Андижонда олиб қочилган Spark иккита автомобилга бориб урилгани, Фарғонада собиқ куёв қайнанасининг машинасини олиб қочгани ҳамда Хоразмда 63 ёшли отахон Tico’ни олиб қочгани ҳақида хабар берилганди.
Изоҳ (0)