“Tottenhem” Premyer Liga 37-turi doirasida 20-may kuni “Aston Villa”ga qarshi bahs olib bordi. “Tottenhem Hotspur” stadionida kechgan bahsda mehmonlarning qo‘li baland keldi (1:2).
Uchrashuvning 20-daqiqasida “shporlar” himoyachisi Serxio Regilon o‘z darvozasini ishg‘ol qilib qo‘ydi. Bu ispaniyalik futbolchining APLdagi debyut gol edi.
Bu Premyer Liga (1992-yilda tashkil etilgan) tarixidagi 1000-avtogol bo‘ldi. APLdagi ilk avtogol 1992-yilning avgustida “Nottingem Forest” vakili Mark Krossli tomonidan kiritilgandi.
“Tottenhem”ning APLdagi so‘nggi uchta avtogoli uy o‘yinlarida kuzatildi va ularning barchasi joriy mavsum ro‘y berdi. Jamoaning ushbu stadionga ko‘chib o‘tmasidan oldin uy o‘yinidagi avtogoli 2012-yilning noyabrida qayd etilgandi. “Liverpul”ga qarshi bahsda Garet Beyl o‘z darvozasini ishg‘ol qilib qo‘ygandi.
“Tottenhem” so‘nggi tur oldidan 59 ochko bilan 7-o‘rinda bormoqda. Jamoa so‘nggi turda “Lester” bilan o‘ynaydi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)