“PSJ” Fransiya Kubogi finalida “Monako”ni mag‘lub etib (2:0), 14 karra musobaqa g‘olibiga aylandi.
Bu yanvar oyida jamoaga kelgan Maurisio Pochettino uchun parijliklar boshqaruvidagi ikkinchi sovrin bo‘ldi. Avvalroq “PSJ” mamlakat Superkubogiga ega chiqqandi.
49 yoshli mutaxassis 2009-yildan buyon turli jamoalarda ishlab keladi. U “Espanyol”, “Sauthempton” va “Tottenhem”dagi faoliyati davrida birorta ham sovrin qo‘lga kirita olmagandi.
“PSJ” Fransiya chempionati so‘nggi turi oldidan 79 ochko bilan ikkinchi o‘rinda boqmoqda, peshqadam “Lill”ning hisobida 80 ochko mavjud, 3-o‘rindagi “Monako” esa 77 ochkoga ega. Chempionlik masalasi so‘nggi, 38-turda hal bo‘ladi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)