«Тоттенҳэм» Премьер Лига 37-тури доирасида 20 май куни «Астон Вилла»га қарши баҳс олиб борди. «Тоттенҳэм Ҳоцпур» стадионида кечган баҳсда меҳмонларнинг қўли баланд келди (1:2).
Учрашувнинг 20-дақиқасида «шпорлар» ҳимоячиси Серхио Регилон ўз дарвозасини ишғол қилиб қўйди. Бу испаниялик футболчининг АПЛдаги дебют гол эди.
Бу Премьер Лига (1992 йилда ташкил этилган) тарихидаги 1000-автогол бўлди. АПЛдаги илк автогол 1992 йилнинг августида «Ноттингем Форест» вакили Марк Кроссли томонидан киритилганди.
«Тоттенҳэм»нинг АПЛдаги сўнгги учта автоголи уй ўйинларида кузатилди ва уларнинг барчаси жорий мавсум рўй берди. Жамоанинг ушбу стадионга кўчиб ўтмасидан олдин уй ўйинидаги автоголи 2012 йилнинг ноябрида қайд этилганди. «Ливерпуль»га қарши баҳсда Гарет Бэйл ўз дарвозасини ишғол қилиб қўйганди.
«Тоттенҳэм» сўнгги тур олдидан 59 очко билан 7-ўринда бормоқда. Жамоа сўнгги турда «Лестер» билан ўйнайди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)