Sesiliya Blumdal ismli shvetsiyalik qiz TikTok’dagi sahifasiga Shimoliy qutbdan ming kilometr uzoqlikda joylashgan Shpisbergen arxipelagining ma’muriy markazi — Longyir shahridagi hayoti haqida videolarni joylashtirishi bilan tanilgan, deb xabar beradi Esquire.
Kunlarning birida Blumdal uyi yaqinida joylashgan Oliviya ismli dugonasiga posilka yuborishi kerak bo‘lgan. Biroq qiz issiq uyini bir necha daqiqaga bo‘lsa ham tark etishni istamagan. Shunda u posilkani Grim laqabli itining bo‘yinbog‘iga boylab, uni yuborishga qaror qilgan. “Tashqarida shamol yo‘q, shu sababli Oliviya uning laqabini aytib chaqirishi mumkin va u eshitadi”, — deya o‘ylagan Blumdal.
Grim, albatta, bekasining topshirig‘ini bajarmay qo‘ymagan, biroq avvaliga u yo‘lida uchragan qushni “ziyorat” qilgan. Oliviya posilkani qo‘lga kiritgach, itning egasi uni yana chaqirib olgan. U marshrutni biroz o‘zgartirgan, biroq uyiga qaytib kelgan va bajargan murakkab ishi uchun tegishli shirinlikni olgan.
Blumdal Grimga yaqindan buyon egalik qiladi. 17-aprel kuni Grimning 6-tug‘ilgan kuni munosabati bilan o‘tkazilgan bazmda qizning dugonalaridan biri it va uning barcha hujjatlarini unga sovg‘a qilgan. Blumdal bundan juda xursand bo‘lgan, qizning so‘zlariga ko‘ra, ular Grim bilan tanishganining birinchi kundayoq bir-biriga mehri tushgan. Do‘stlar birgalikda xayking bilan shug‘ullangan, “snegoxod”larda harakatlangan va Shvetsiya bo‘ylab sayohatga ham chiqqan.
Avvalroq Angliyada pochtalyon mushuk o‘z egalariga karantin mazmunli o‘tishini ta’minlagani to‘g‘risida xabar berilgandi. U qo‘shnilarni do‘stlashtirib qo‘yib, turli tavsiya va retseptlarni tashigan.
Izoh (0)