88 yoshli havaskor rassom Robert Siman koronavirus pandemiyasi vaqtidagi karantin tufayli 365 ta surat chizishga muvaffaq bo‘ldi. Bu haqda Esquire xabar beradi.
Bolaligidan surat chizishga qiziqadigan Siman uzoq vaqt davomida mol-mulk sohasida faoliyat yuritgan. 60 yoshida karyerasini yakunlagan va surat chizishni boshlagan. Xobbini professional faoliyatga aylanishi uchun karantin davri u uchun ayni muddao bo‘lgan.
“Bolaligimdan meni introvertmanmi yoki ekstaravert degan savol qiynagan. Agar introvertbo‘lganimda xonamdan chiqmay soatlab surat chizgan bo‘lardim. Hozirgi vaqtda aynan shu bilan mashg‘ulman”, — degan rassom.
2021-yil 11-mayda Robert har kuni surat chizishga kirishganiga 1 yil bo‘lgan. Nyu-Gempshirshtatining Meyplvudda joylashgan qariyalar uyida yashab, ijod qiladigan rassom kun davomidagi 6 soatini surat chizishga sarflaydi.
Robert pandemiya boshlanishidan ikki hafta avval qariyalar uyiga ko‘chib o‘tgan. Bir necha oylar davomida qariyalar uyida yashovchilarga xonadan chiqish taqiqlangani sabab Simansurat chizib vaqt o‘tkazishga qaror qilgan.
“Men 11 yoshimdagi mashg‘ulot bilan shug‘ullana boshladim va bu juda ham ajoyib”, — degan. U bir-biridan g‘aroyib suratlarni chizish uchun rangli qalamlar, tush va akvareldan foydalanadi. Pandemiya vaqtidagi odamlarning ichki holatini aks ettiradigan surat chizishni boshlagan rassom. Keyinchalik kuniga bittadan surat chizishga qaror qilganini ta’kidlaydi.
U ijod mahsulini suratga olib qizi va boshqa yaqinlariga yuborishni boshlagan, Facebook’dabo‘lishgan keyinroq esa Etsy sayti orqali sota boshlagan. Tushgan mablag‘ning yarim qismini xayriya qiladi, xususan, koronavirusdan aziyat chekkan, uysizlar hamda qochoqlarga yordam beradigan tashkilotlar uchun sarflaydi.
Surat chizish uchun g‘oya unga televizor ko‘rish davomida, devordagi suratni tomosha qilganda yoki shunchaki yotganida kelishini ma’lum qilgan. Surat chizishda davom etishni rejalashtirayotgan rassomning faoliyati bilan tanishayotgan, suratlarini xarid qilayotgan odamlar soni tobora ortib bormoqda.
Izoh (0)