MacRumors sayti iOS 14.6 kodlari orasidan Apple kompaniyasi yaqin orada taqdim etishi kerak bo‘lgan yangi Beats Studio Pro naushniklarining tasvirini topdi, deb xabar beradi Hi-Tech.Mail.ru.
Studio Pro — bu klassik simsiz naushnik. AirPods’dan farqli o‘laroq, ushbu naushniklar juda kichkina, ular hatto quloqdan chiqib ham turmaydi. Standart o‘lchamdagi keysga ega bo‘ladigan qurilma uch xil rangda taqdim etiladi.
Apple’ning Studio Pro naushniklarining texnik tavsifi va narxi haqida hozircha ma’lumotlar yo‘q. U o‘zining o‘lchami kichikligi sabab avtonomlik borasida AirPods’dan ortda qolishi, ammo bu keysidagi katta akkumulyator bilan kompensatsiyasi qilinishi mumkin.
Animations of Beats Studio Buds: 🧵 pic.twitter.com/XYVvYP7ez3
— Steve Moser (@SteveMoser) May 17, 2021
Apple ushbu naushniklarini qachon taqdim etishi noma’lum.
Ma’lumot uchun, Apple Beats musiqiy texnikalar brendini 2014-yilda sotib olgan va shundan buyon ushbu lineykani rivojlantirib kelmoqda.
Avvalroq Xiaomi kompaniyasi AirPods Pro’dan qolishmaydigan, biroq undan arzonroq simsiz naushniklarini taqdim etgani, Galaxy Buds Pro naushniklari quloq kasalliklarini keltirib chiqarishda ayblanayotgani to‘g‘risida xabar berilgandi.
Izoh (0)