MacRumors сайти iOS 14.6 кодлари орасидан Apple компанияси яқин орада тақдим этиши керак бўлган янги Beats Studio Pro наушникларининг тасвирини топди, деб хабар беради Hi-Tech.Mail.ru.
Studio Pro — бу классик симсиз наушник. AirPods’дан фарқли ўлароқ, ушбу наушниклар жуда кичкина, улар ҳатто қулоқдан чиқиб ҳам турмайди. Стандарт ўлчамдаги кейсга эга бўладиган қурилма уч хил рангда тақдим этилади.
Apple’нинг Studio Pro наушникларининг техник тавсифи ва нархи ҳақида ҳозирча маълумотлар йўқ. У ўзининг ўлчами кичиклиги сабаб автономлик борасида AirPods’дан ортда қолиши, аммо бу кейсидаги катта аккумулятор билан компенсацияси қилиниши мумкин.
https://twitter.com/SteveMoser/status/1394361761571254272
Apple ушбу наушникларини қачон тақдим этиши номаълум.
Маълумот учун, Apple Beats мусиқий техникалар брендини 2014 йилда сотиб олган ва шундан буён ушбу линейкани ривожлантириб келмоқда.
Аввалроқ Xiaomi компанияси AirPods Pro’дан қолишмайдиган, бироқ ундан арзонроқ симсиз наушникларини тақдим этгани, Galaxy Buds Pro наушниклари қулоқ касалликларини келтириб чиқаришда айбланаётгани тўғрисида хабар берилганди.
Изоҳ (0)