Apple’ning navbatdagi taqdimoti 20-aprel kuni bo‘ladi o‘tadi. Mish-mishlarga ko‘ra, unda yangi AirPods taqdim etiladi — tadbirdan bir necha kun oldin internetda naushniklarning “jonli” surati paydo bo‘ldi, deb yozadi Hi-Tech.Mail.ru.

Foto: Hi-Tech.Mail.ru

AirPods 3’da naushniklar shakli jiddiy o‘zgargan — “oyoqcha”si kaltalashib, yuqori qismi esa ancha yumaloqlashgan. Shuningdek, keys ham o‘zgargan bo‘lib, to‘rburchaksimon shaklga kirgan, biroq shu bilan birga, u ixcham va har qanday hamyonga sig‘adi.

Ovoz sifati va funksionalligining o‘zgargani to‘g‘risida hozircha ma’lumotlar yo‘q. Ehtimoliy yangiliklardan biri — bu qimmat AirPods Pro’lardan meros bo‘lib qoladigan shovqinni faol so‘ndirish funksiyasi.

Eslatib o‘tamiz, dastlabki AirPods naushniklari 2016-yilda iPhone 7 smartfonlari bilan birga taqdim etilgandi — o‘shandan buyon naushniklar dizayni umuman o‘zgarishsiz kelmoqda, faqat avtonomligi oshirilgan va qo‘shimcha funksiyalarga ega oraliq versiyalari chiqqan. Shu sababli Apple uchinchi avlod AirPods’ning keng ko‘lamli taqdimotiga tayyorlanmoqda.