Knauf 2021-yilning oxirida, Farg‘ona vodiysida quruq gips aralashmalari va gips plitalarini ishlab chiqaradigan zavodni ishga tushiradi.
Knauf’ning xalqaro kompaniyalari guruhi O‘zbekiston bozorida 20 yildan ortiq vaqt davomida ishlab kelmoqda. Suvoq, shpaklyovka va gips plitalari (yangi standartga o‘tishga qadar ular gipskarton listlari deb atalar edi) Buxoro viloyatidagi ikkita Knauf korxonasida, nemis texnologiyasi bo‘yicha ishlab chiqariladi.
Knauf’ning yangi zavodi Farg‘ona vodiysida
2019-yilda kompaniya O‘zbekistondagi uchinchi zavodini qurishga kirishdi. Yangi obyektni qurish uchun Farg‘ona vodiysi tanlandi. Rejalashtirilgan investitsiyalar miqdori 17,2 million yevroni tashkil etadi.
Dmitriy Deripalko, O‘zbekistondagi Knauf korxonalari rahbari:
“Farg‘ona vodiysi mamlakatimizning juda katta mintaqasi bo‘lib, bu yerda sifatli qurilish materiallariga ehtiyoj juda yuqori. Lekin bunda Knauf mahsulotlarini yetkazib berish bo‘yicha transport xarajatlari anchagina katta. Yuk avtomobillarida Buxorodan Farg‘ona vodiysi shaharlarigacha bo‘lgan yo‘l 15-16 soat vaqtni oladi, yetkazib berish uzluksizligi esa dovondagi ob-havo sharoitlariga bog‘liq. Temir yo‘l orqali esa hamma vaqt ham tez yetkazib berishning iloji yo‘q.
Zavodning qurilishi yuqorida sanab o‘tilgan barcha noqulayliklarni hal qiladi. Uning ishlab chiqarish quvvati yiliga 17 million kvadrat metr gips plita va 40 ming tonna quruq gips aralashmasiga teng. Yangi korxona mintaqadagi mavjud talablarni qoplaydi va iste’molchi yelkasiga tushadigan logistika xarajatlarini kamaytiradi. Shunday qilib, vodiy aholisi zarur miqdordagi va yetarli darajada tez yetkazib beriladigan, nemis sifatidagi qurilish materiallarini sotib olishi mumkin bo‘ladi”.
Knauf’dagi ishlab chiqarilishning ekologikligi
Qurilish global standartlar bo‘yicha olib borilmoqda, bu standarlar Knauf’ning butun dunyodagi zavodlarida, albatta, mahalliy, milliy normalar va talablarga rioya qilgan holda amal qilinadi. Joriy etilgan texnologik yechimlar energiya sarfi bo‘yicha samarali va ekologik jihatdan sof hisoblanadi.
Dmitriy Deripalko, O‘zbekistondagi Knauf korxonalari rahbari:
“Knauf xalqaro guruhiga kiruvchi barcha zavodlar, milliy standartlardan tashqari, kompaniyaning global standartlariga rioya qilishi shart. Masalan, tejamkor ishlab chiqarish (5S) va doimiy yaxshilanish (CI) usullariga rioya qilishi shart hisoblanadi. Knauf’ning O‘zbekistondagi ishlab chiqarish jarayonlariga qo‘yiladigan talablar Knauf’ning Germaniyadagi shtab-kvartirasidagi talablardan hech farq qilmaydi.
Chang tutuvchi qurilmalar binolar va yaqin atrofdagi hududlarda chang emissiyalari bo‘lmasligini ta’minlaydi. Knauf’dan chang shleyflari va zararli chiqindilar ajralmaydi. Bugungi kunning o‘zidayoq, hali zavod ishga tushirilmasidan, biz o‘z tashabbusimiz bilan havoning changdan qanchalik zararlanganligini tekshirib boryapmiz. Zavod ishga tushirilganidan so‘ng biz yangi korxonamizning ekologikligini hujjatlar bilan tasdiqlay olishga tayyor bo‘lamiz. Yaqin tumanlarda yashovchi aholi bizning ishlab chiqarishimiz atrof muhitga ta’sir ko‘rsatmasligiga ishonch hosil qiladi. Bozorning barcha ishtirokchilari ekologiya standartlariga rioya qilishlarini istar edik, Farg‘ona viloyatida esa hozircha bu hodisa kuzatilmayapti”.
Bugungi kunda “Knauf Gips Fergana” MChJga investitsiyalarning 70 foizi o‘zlashtirilgan, korpusning qurilishi va gipskarton liniyasining montaji tugallangan. Gips zavodining montaji olib borilmoqda. Zavodni 2021-yilning oxirida ishga tushirish rejalashtirilgan.
Bog‘lanish uchun:
Sayt: knauf.uz
Telegram: t.me/Knaufuzbekistan
Instagram: knaufuz
Knauf kompaniyasi haqida
Knauf — oilaviy biznes tamoyillariga asoslangan va global miqyosda faoliyat yuritishiga qaramasdan, ushbu qadriyatlarni saqlab qolishga muvaffaq bo‘lgan xalqaro kompaniya. Bugungi kunda Knauf xalqaro guruhi qurilish materiallarini ishlab chiqaruvchi dunyodagi eng yirik kompaniyalaridan biri hisoblanadi. 1993-yilda Knauf’ning investitsiya faoliyati Rossiyadan boshlandi, keyinchalik Ukraina, Qozog‘iston, O‘zbekiston, Ozarbayjon va Gruziyada korxonalar sotib olindi va tashkil etila boshlandi. Marketing faoliyati MDHning deyarli barcha mamlakatlari, Gruziya va Mo‘g‘ulistonda davom etdi. MDH mamlakatlaridagi Knauf korxonalari zamonaviy asbob-uskunalar bilan jihozlangan bo‘lib, unda yagona ishlab chiqarish mezonlari asosida, yuqori sifatli qurilish materiallari ishlab chiqariladi.
O‘zbekiston, MDH mamlakatlari va dunyodagi Knauf guruhi haqidagi batafsil ma’lumotni quyidagi veb-saytlardan olishingiz mumkin: www.knauf.uz, www.knauf.ru, www.knauf.com.
Reklama huquqi asosida.
Izoh (0)