Knauf 2021 йилнинг охирида, Фарғона водийсида қуруқ гипс аралашмалари ва гипс плиталарини ишлаб чиқарадиган заводни ишга туширади.
Knauf’нинг халқаро компаниялари гуруҳи Ўзбекистон бозорида 20 йилдан ортиқ вақт давомида ишлаб келмоқда. Сувоқ, шпаклёвка ва гипс плиталари (янги стандартга ўтишга қадар улар гипскартон листлари деб аталар эди) Бухоро вилоятидаги иккита Knauf корхонасида, немис технологияси бўйича ишлаб чиқарилади.
Knauf’нинг янги заводи Фарғона водийсида
2019 йилда компания Ўзбекистондаги учинчи заводини қуришга киришди. Янги объектни қуриш учун Фарғона водийси танланди. Режалаштирилган инвестициялар миқдори 17,2 миллион еврони ташкил этади.
Дмитрий Дерипалко, Ўзбекистондаги Knauf корхоналари раҳбари:
«Фарғона водийси мамлакатимизнинг жуда катта минтақаси бўлиб, бу ерда сифатли қурилиш материалларига эҳтиёж жуда юқори. Лекин бунда Knauf маҳсулотларини етказиб бериш бўйича транспорт харажатлари анчагина катта. Юк автомобилларида Бухородан Фарғона водийси шаҳарларигача бўлган йўл 15-16 соат вақтни олади, етказиб бериш узлуксизлиги эса довондаги об-ҳаво шароитларига боғлиқ. Темир йўл орқали эса ҳамма вақт ҳам тез етказиб беришнинг иложи йўқ.
Заводнинг қурилиши юқорида санаб ўтилган барча ноқулайликларни ҳал қилади. Унинг ишлаб чиқариш қуввати йилига 17 миллион квадрат метр гипс плита ва 40 минг тонна қуруқ гипс аралашмасига тенг. Янги корхона минтақадаги мавжуд талабларни қоплайди ва истеъмолчи елкасига тушадиган логистика харажатларини камайтиради. Шундай қилиб, водий аҳолиси зарур миқдордаги ва етарли даражада тез етказиб бериладиган, немис сифатидаги қурилиш материалларини сотиб олиши мумкин бўлади».
Knauf’даги ишлаб чиқарилишнинг экологиклиги
Қурилиш глобал стандартлар бўйича олиб борилмоқда, бу стандарлар Knauf’нинг бутун дунёдаги заводларида, албатта, маҳаллий, миллий нормалар ва талабларга риоя қилган ҳолда амал қилинади. Жорий этилган технологик ечимлар энергия сарфи бўйича самарали ва экологик жиҳатдан соф ҳисобланади.
Дмитрий Дерипалко, Ўзбекистондаги Knauf корхоналари раҳбари:
«Knauf халқаро гуруҳига кирувчи барча заводлар, миллий стандартлардан ташқари, компаниянинг глобал стандартларига риоя қилиши шарт. Масалан, тежамкор ишлаб чиқариш (5S) ва доимий яхшиланиш (CI) усулларига риоя қилиши шарт ҳисобланади. Knauf’нинг Ўзбекистондаги ишлаб чиқариш жараёнларига қўйиладиган талаблар Knauf’нинг Германиядаги штаб-квартирасидаги талаблардан ҳеч фарқ қилмайди.
Чанг тутувчи қурилмалар бинолар ва яқин атрофдаги ҳудудларда чанг эмиссиялари бўлмаслигини таъминлайди. Knauf’дан чанг шлейфлари ва зарарли чиқиндилар ажралмайди. Бугунги куннинг ўзидаёқ, ҳали завод ишга туширилмасидан, биз ўз ташаббусимиз билан ҳавонинг чангдан қанчалик зарарланганлигини текшириб боряпмиз. Завод ишга туширилганидан сўнг биз янги корхонамизнинг экологиклигини ҳужжатлар билан тасдиқлай олишга тайёр бўламиз. Яқин туманларда яшовчи аҳоли бизнинг ишлаб чиқаришимиз атроф муҳитга таъсир кўрсатмаслигига ишонч ҳосил қилади. Бозорнинг барча иштирокчилари экология стандартларига риоя қилишларини истар эдик, Фарғона вилоятида эса ҳозирча бу ҳодиса кузатилмаяпти».
Бугунги кунда «Knauf Gips Fergana» МЧЖга инвестицияларнинг 70 фоизи ўзлаштирилган, корпуснинг қурилиши ва гипскартон линиясининг монтажи тугалланган. Гипс заводининг монтажи олиб борилмоқда. Заводни 2021 йилнинг охирида ишга тушириш режалаштирилган.
Боғланиш учун:
Сайт: knauf.uz
Telegram: t.me/Knaufuzbekistan
Instagram: knaufuz
Knauf компанияси ҳақида
Knauf — оилавий бизнес тамойилларига асосланган ва глобал миқёсда фаолият юритишига қарамасдан, ушбу қадриятларни сақлаб қолишга муваффақ бўлган халқаро компания. Бугунги кунда Knauf халқаро гуруҳи қурилиш материалларини ишлаб чиқарувчи дунёдаги энг йирик компанияларидан бири ҳисобланади. 1993 йилда Knauf’нинг инвестиция фаолияти Россиядан бошланди, кейинчалик Украина, Қозоғистон, Ўзбекистон, Озарбайжон ва Грузияда корхоналар сотиб олинди ва ташкил этила бошланди. Маркетинг фаолияти МДҲнинг деярли барча мамлакатлари, Грузия ва Мўғулистонда давом этди. МДҲ мамлакатларидаги Knauf корхоналари замонавий асбоб-ускуналар билан жиҳозланган бўлиб, унда ягона ишлаб чиқариш мезонлари асосида, юқори сифатли қурилиш материаллари ишлаб чиқарилади.
Ўзбекистон, МДҲ мамлакатлари ва дунёдаги Knauf гуруҳи ҳақидаги батафсил маълумотни қуйидаги веб-сайтлардан олишингиз мумкин: www.knauf.uz, www.knauf.ru, www.knauf.com.
Реклама ҳуқуқи асосида.
Изоҳ (0)