Muhammad Al-Xorazmiy nomidagi Toshkent axborot texnologiyalari universitetida o‘quv yili oxirigacha barcha kurs talabalari uchun o‘quv jarayoni onlayn davom ettiriladi, deya xabar bermoqda universitet matbuot xizmati.
Qayd etilishicha, mazkur qarorga kelishda talabalarning ko‘plab murojaatlari inobatga olingan.
Ma’lumot uchun, universitet 27-apreldan 10-mayga qadar 14 kunga masofaviy ta’limga o‘tgan edi.
Bundan avval Samarqand shahridagi barcha ta’lim muassasalariga joriy etilgan karantin yana 14 kunga uzaytirilgani, Toshkent Moliya instituti 14 kunga, Samarqand davlat chet tillar instituti o‘quv yili oxirigacha masofaviy ta’limga o‘tkazilgani hamda Toshkent davlat yuridik universiteti ham 14 kunga masofaviy ta’limga o‘tgani haqida xabar berilgandi.
Izoh (0)