Муҳаммад Ал-Хоразмий номидаги Тошкент ахборот технологиялари университетида ўқув йили охиригача барча курс талабалари учун ўқув жараёни онлайн давом эттирилади, дея хабар бермоқда университет матбуот хизмати.
Қайд этилишича, мазкур қарорга келишда талабаларнинг кўплаб мурожаатлари инобатга олинган.
Маълумот учун, университет 27 апрелдан 10 майга қадар 14 кунга масофавий таълимга ўтган эди.
Бундан аввал Самарқанд шаҳридаги барча таълим муассасаларига жорий этилган карантин яна 14 кунга узайтирилгани, Тошкент Молия институти 14 кунга, Самарқанд давлат чет тиллар институти ўқув йили охиригача масофавий таълимга ўтказилгани ҳамда Тошкент давлат юридик университети ҳам 14 кунга масофавий таълимга ўтгани ҳақида хабар берилганди.
Изоҳ (0)