“O‘zbekiston temir yo‘llari” 2021-yilning 1-choragi yakunlari bo‘yicha 95,6 milliard so‘m zarar ko‘rganini ma’lum qildi. Bu haqda Korporativ axborot yagona portalida e’lon qilingan hisobotga tayanib, Spot xabar berdi.
Kompaniya joriy yilda o‘z o‘rnini yaxshilashga muvaffaq bo‘lgan — 2020-yilning mos davrida zarar bundan salkam 10 milliard so‘mga ko‘proqni tashkil etgandi. 2021-yilning dastlabki uch oyidagi sof foyda 2,3 trillion so‘mni tashkil etgan, yalpi foyda — 1,6 trillion so‘m.
Xarajatlar 297,6 milliard so‘mga yetgan (227,5 milliard so‘m edi), asosiy faoliyatdan daromad 671,9 milliard so‘mdan 512 milliard so‘mga qadar tushgan. Moliyaviy faoliyatdan keladigan daromadlar ikki barobardan ortiqqa o‘sgan — 153,5 milliard so‘mdan 331,7 milliard so‘mga.
Kompaniya 2020-yilda 22,6 milliard so‘m soliq to‘lagan bo‘lsa, joriy yilda bu 21,2 milliard so‘mni tashkil etdi.
Avvalroq Davlat aktivlarini boshqarish agentligi O‘zbekistonda 2020-yil yakuni bo‘yicha eng ko‘p foyda va zarar ko‘rgan 10 ta korxona ro‘yxatini e’lon qilgandi. Ro‘yxatga 3,5 trillion so‘m zarar bilan “O‘zstransgaz” kompaniyasi boshchilik qilgan.
Izoh (0)