Gollivud aktyori Robert De Niro rejissor Martin Skorsezening yangi “Gulli oy qotillari” filmida suratga tushish uchun Oklaxomaga borib, oyog‘ini shikastlab oldi, deb xabar beradi Esquire.
Ma’lum qilinishicha, shaharda suratga olish ishlari vaqtida De Nironing oyog‘iga shikast yetgan. TMZ nashrining ma’lumotlariga ko‘ra, 77 yoshli aktyor jarohatni suratga olish maydonchasida olmagan. 13-may kuni u Nyu-Yorkka — uyiga uchib ketgan, 14-may kuni shifokor qabuliga borishni rejalashtirgan.
De Nironing jarohati suratga olish jarayoniga ta’sir qilmaydi, chunki aktyor ishtirokidagi barcha kerakli sahnalar tasvirga olib bo‘lingan. Bundan tashqari, aktyor uyiga qaytishni bir necha hafta oldin rejalashtirgan. De Niro qayta oyoqqa turgach, Oklaxomaga qaytish-qaytmasligi noma’lum.
Skorsezening yangi vesterni asosini 1920-yillarda neft konining aniqlanishi oqibatida Oklaxomada hindularning o‘ldirilishini tergov qilish yotadi. Robert De Niro unda ta’sir doirasiga keng rancho egasi Uilyam Xeyl, Enrest Bergxartning amakisi (Leonardo Di Kaprio personaji) rolini ijro etmoqda.
Shuningdek, filmda Lili Gladstoun (Molli Berkxart) ham ko‘rinish beradi, Jessi Plemons esa bosh rolni — FQB agentli Tom Uayt rolida. Kartinani suratga olish ishlari bilan Apple kompaniyasi shug‘ullanmoqda va hozirga qadar film uchun 200 million dollar ajratilgan.
Eslatib o‘tamiz, 2020-yilda Guarantorloans sayti 50 nafar aktyorning umri davomida o‘ynagan filmlarini ko‘rib chiqib, ular orasida salbiy personajlar roli eng ko‘p kimga nasib etganini aniqlagandi — bu Robert De Niro.
Izoh (0)