Ketma-ket to‘rt mavsum davomida suratga olingan “Qora niyat” serialining reytingi qoniqarli darajada bo‘lsa-da, loyihani yakunlash ishlari rejalashtirilgan edi. Ammo serial prodyuserlari beshinchi faslni ham davom ettirishga qaror qildi, deb yozadi “KinoTeka”.
Bu haqda serialda Ender rolini ijro etgan Shevval Sam prodyuserlik kompaniyasining qarorini TV 100 telekanaliga bergan intervyusida ma’lum qilgan: “Aslida biz serialni yakunlashni rejalashtirgan edik. Sababi hamma charchagan. Ammo muxlislar beshinchi mavsumni davom ettirishni so‘rab ijtimoiy tarmoqlar orqali juda ko‘p xabarlar yubordi. Ushbu loyihani ko‘pchilik yaxshi ko‘radi va shuning uchun ham serialni davom ettirishga qaror qildik. Shuningdek, biz ham dam olishga muhtojmiz. Ushbu mavsum erta yakunlansa, navbatdagisini biroz keyinroq suratga olishni ma’lum qildik. Shu bahonada dam olishga ham vaqt ajratamiz”, – deydi aktrisa.
Xabarlarga ko‘ra, loyiha final qismdan so‘ng kuzgacha tomoshabinlar bilan xayrlashadi.
Eslatib o‘tamiz, biroz avval serial yulduzi Nesrin Javadzade loyihani kelishmovchilik tufayli tark etgan edi. U serial rejissori bilan bo‘lib o‘tgan nizodan so‘ng suratga olish ishlarini yakunlagan. Prodyuser Fatih Aksoy ushbu vaziyatdan so‘ng uning qahramoni Shahikani o‘lim sahnasi orqali serialdan chetlatdi. Shu tarzda serialni bir ijodkor tark etsa, o‘rnini boshqasi egallamoqda. Bundan tashqari, yangi qismlardaa Eje Dizdar Chagatayning sobiq rafiqasi sifatida paydo bo‘ladi. Dizdarning qahramoni yangi mavsumda ham ishtirok etishi ma’lum qilingan.
Izoh (0)